ŻfinMalta, il-Kumpanija Nazzjonali taż-Żfin ta’ Malta, taħt id-direzzjoni artistika ta’ Paolo Mangiola, se żżomm awdizzjoni għal żeffiena nisa, irġiel, u non-binary.
ŻfinMalta hija grupp taż-żfin adattabbli ta’ talent, b’diversità t’ilħna kreattivi li jirriflettu l-influwenzi varji li huma parti minn Malta fil-preżent. Sa mill-konċepiment tagħha, il-kumpanija dejjem utilizzat ħsibijiet ta’ ċertu novità fir-rigward taż-żfin kontemporanju fil-gżejjer Maltin u avvanzat il-profil taż-żfin b’mod esponenzjali. Aħna naħdmu mal-aħjar żeffiena u koreografi minn Malta u madwar id-dinja kollha sabiex noħolqu produzzjonijiet li huma kuraġġużi, aġġornati, u ta’ standard world-class. Il-produzzjonijiet tagħna huma dejjem kollaborattivi u jingaġġaw koreografi, disinjaturi ta’ settijiet u kostumi, kompożituri, u artisti tal-arti viżiva, kemm minn Malta u minn barra, filwaqt li tissieħeb ma’ organizzazzjonijiet oħra tat-teatru, tal-opra, tal-mużika u tal-arti viżiva.
Ix-xogħol tagħna jistieden l-udjenzi biex jikkontemplaw u jinterrogaw id-dinja kontemporanja bl-ambizzjoni li jżewqu l-ħajjiet ta’ dawk kollha li jinteraġixxu mal-kumpanija – udjenzi, kollaboraturi, kif ukoll parteċipanti.
Ir-repertorju tagħna jinkludi xogħlijiet ta’: Paolo Mangiola, Tânia Carvalho, Riccardo Buscarini, Francesca Pennini, Núria Guru, Georgia Tegou, Roy Assaf, Jacopo Godani, u Emanuel Gat.
Aħna qegħdin infittxu żeffiena b’ħiliet ta’ koordinazzjoni eċċellenti, esperjenza sostanzjali f’ballet klassiku u prattiċi ta’ żfin kontemporanju, u li għandhom l-abbiltà li jikkontribwixxu b’mod attiv għall-proċess kreattiv u jadattaw għall-metodoloġiji varji tal-koreografi li naħdmu magħhom.
Żeffiena nisa għandhom iħossuhom kunfidenti fit-teknika tal-pointe.
Minimu ta’ sentejn ta’ esperjenza fi żfin professjonali huwa rekwiżit.
